Центарот за јавно здравје Охрид, предводен од ВД директорот Сашо Точков, по втор пат сака да ја уништат туристичката сезона во Охрид. На стартот на туристичката сезона Сашо Точков објави извештај кој содржеше наводна загаденост на езерските води од Свети Наум па се до Радожда со исклучок на три локации и тоа Хотел „Инекс“ Хотел „Метропол“ и Хотел „Гранит“? Зошто од цела обала само овие три хотелски комплекси имале чиста езерска вода ,а се лоцирани во исти езерски базен, за тоа треба да подразмисли министерот за здравство и антикорупциската комисија (блискоста со сопствениците чиј хотели биле полупразни)..,.
Новиот гаф на Сашо Точков во име на Ј.З.У. ЦЈЗ Охрид и препораката да граѓаните и туристите ги затворат прозорците во раните утрински и доцните вечерни часови, поради чадот од депонијата „Буково“ која патем е одалечена 15 километри од Охрид, а до некој хотелски капацитети и до 50 километри, постанува уште еден атак врз туристичката сезона во Охрид. Доколку има опасност по здравјето на граѓаните, Точков наместо да дава препораки преку Фејсбук статуси, истиот бил должен да го запознае министерот за здравство и владата на РСМ, како и да побара веднаш да се преземат соодветни мерки за гасење на депонијата „Буково“…
На ваков начин со глупави соопштенија, насочени против целиот град Охрид, во време кога е шпицот на туристичката сезона, Точков де факто и де јуре, од позицијата која ја има, ја уништува туристичката гранка од која егзистенција имаат над 20.000 семејства…
Во прилог фејсбук статусот на ЦЈЗ Охрид :
Деновиве, особено во вечерните и раните утрински часови, во Охрид и пошироката околина видлива е заматеност во воздухот и се чувствува непријатен мирис на чад, предизвикано пред се од горењето на комуналната депонија во Буково.
Поради опасноста што може да ја предизвика опасниот чад предизвикан од неконтролирањето спалување/горење на комуналниот отпад, врз здравјето на луѓето, Центар за јавно здравје Охрид апелира до надлежните институции веднаш да преземат соодветни мерки и активности за решавање на проблемот. Особено предупредуваме луѓето кои непосредно ќе учествуваат во справувањето со комуналниот смет на депонијата која гори, да користат соодветни заштитни средства (маски, очила, ракавици и сл.)
Апелираме до граѓаните на Охрид, гостите, туристите, додека не се реши проблемот со горењето на комуналниот смет на депонијата во Буково, во вечерните и утринските часови да не ги отвораат прозорците и доколку почувствуваат мирис на чад, да останат во своите домови.
