Жените во Македонија живеат подолго од мажите. Ова може да се заклучи од резултатите што ги објави Државниот завод за статистика (ДЗС) по спроведениот попис во 2021 година, а кои покажуваат дека во земјава се попишал 51 жител, односно 18 мажи и дури 33 жени кои имаат точно 100 години или имаат повеќе од 100 години.
Во резултатите не е наведено колку години има најстариот човек во земјава, но посочено е дека има 23 лица кои наполниле 99 години (12 мажи и 11 жени), 51 лице наполнило 98 години (23 мажи и 28 жени), 85 лица имаат 97 години (34 мажи и 51 жена), 133 лица имаат 96 години (43 мажи и 90 жени)…
Регистрирани се 16.535 бебиња (8.393 машки и 8.142 женски), односно деца кои сѐ уште не наполниле една година.
Според табелата на којашто е прикажано резидентното население според петгодишни групи на возраст, најмногубројна е генерацијата која има 40-44 години – 128.186 жители, додека, пак, најмалубројни се лицата коишто имаат над 85 години – 21.001.
Во продолжение, погледнете ја табелата:
