Украински беспилотни летала ја нападнаа Москва рано утрово, но немаше жртви, изјави градоначалникот Сергеј Собјанин. Во објава на Телеграм, тој напиша дека две деловни згради во градот се „малку оштетени“ однадвор и додаде: „Нема жртви“.
Руската државна новинска агенција ТАСС јави дека во нападот биле вклучени два дрона, кои подоцна биле соборени во западниот московски регион, повикувајќи се на агенциите за спроведување на законот.
Украина сѐ уште не го коментираше нападот. Сликите што ги објави ТАСС покажуваат оштетувања на прозорците на високата зграда. Зградата се наоѓа во областа Пресненски во Москва и ја користи руското Министерство за дигитален развој, комуникации и масовни медиуми.
Руското Министерство за одбрана, исто така, во објава на Телеграм тврди дека уште еден дрон бил уништен над московскиот југозападен округ Одинцово.
