More

    Куранот повторно изгоре во Копенхаген

    spot_img

    Мала група демонстранти денеска запалија копија од Куранот, светата книга на исламот, пред ирачката амбасада во данската престолнина, со што се ризикува влошување на односите меѓу двете земји. Групата наречена Дански патриоти одржа сличен протест во Копенхаген минатата недела, пренесувајќи се во живо на Фејсбук.

    Неколку илјади Ирачани протестираа во саботата во Багдад поради обезличувањето и палењето на Куранот на антиисламските протести во Шведска и Данска, на митинг свикан од ирачките владејачки партии и вооружени групи, од кои некои се блиски до Иран.

    Минатата недела 37-годишен ирачки бегалец ја запали светата книга на исламот пред џамија во Шведска. На почетокот на оваа година истото го направи и екстремно десничарскиот политичар Расмус Палудан, пред турската амбасада во шведскиот главен град. Исламскиот свет ги осуди овие дела, а илјадници луѓе излегоа на улиците на муслиманските земји да протестираат.

    Стотици луѓе упаднаа во шведската амбасада во центарот на Багдад и ја запалија во саботата, а иранскиот врховен лидер, ајатолахот Али Хамнеи повика на „најтешка казна“ за палењето на Куранот и тврдејќи дека Шведска „почнала војна против муслиманскиот свет“ без да ги казни одговорните.

    Шведските власти го осудија чинот, но рекоа дека не можат да интервенираат поради правилата за слобода на говорот.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img