Полицијата на пет европски земји го прекина синџирот на шверцери на луѓе кои по цена од 9 000 евра по човек префрлиле 5 000 кубански мигранти во Европа, преку Србија и Грција. Како што наведува Европол во денешното соопштение, крајната дестинација на тие луѓе била Шпанија.
Шверцерите го искористиле фактот дека на кубанските граѓани не им е потребна виза за Србија. Уапсени се 62 осомничени. Истрагата открила обемна криминална мрежа која до апсењето оперирала во Србија, Шпанија и во Грција.
Кај осомничените била пронајдена поголема количина фалсификувани документи што ги користеле мигрантите. Тие влегувале легално во Србија, потоа шверцерите ги префрлиле во Грција, а потоа во Шпанија преку илегални патишта низ Северна Македонија.
