Во германските ресторани и хотели моментално недостигаат повеќе од 65.000 вработени, според здружението на угостители Дехога.
Недостигот од вработени, според месечните анкети, е постојан проблем за индустријата, велат од здружението за ДПА.
„Федералната агенција за труд пријави 33.160 слободни работни места во угостителството за јуни. Сепак, претпоставуваме дека реалната побарувачка е најмалку двојно поголема, бидејќи многу компании повеќе не ги пријавуваат своите слободни работни места“, вели Сандра Варден, експерт за пазарот на труд од Дехога.
Таа ги посочи бројките од јуни 2019 година, кога беа пријавени речиси 40.000 слободни работни места. „И како што знаеме, проблемот се влоши оттогаш (во пресрет на пандемијата)“, рече таа.
„Особено сега во празничната сезона и зголемениот интерес за туристичките дестинации, потребата продолжува да расте“, рече таа.
Во меѓувреме, гастрономскиот бизнис најдобро што можеше се справи со ситуацијата, пренесува Poslovni.hr. „Има установи кои поради недостиг на вработени се принудени да го скратат работното време, да затворат во одредени денови или да ја ограничат понудата на менито.
Некои ресторани почнаа да воведуваат повеќе самопослужување. Дехога се надева дека ефектите од законот за квалификуваната работна сила од странство брзо ќе се почувствуваат и дека бегалците полесно ќе можат да најдат работа.
Дополнително, здружението повика на кампања за обука за повеќе вештини и повеќе да се вреднуваат практичните професии и вештини. Просечните плати во угостителството се движат од 2.000 до 3.000 евра.
Poslovni.hr ги наведе просечните плати во Германија за најчестите позиции во рестораните:
Келнер: до 3.750 евра
Готвач: до 6.500 евра
Пекар: до 4.000 евра
Рецепционер: 1.700 евра
Менаџер за настан: 3.500 евра
Работниците во угостителството често добиваат бакшиш и бесплатен оброк за време на работното време, а има и поволности како што се флексибилни часови и можности за напредување во кариерата.
