По масовната евакуација на жителите и туристите од островот Родос, евакуацијата започна и од грчкиот остров Крф, кој исто така се бори со невидени шумски пожари, пишува Би-Би-Си.
Во моментов пожарникарите во Грција гасат 82 пожари, а денеска метеоролозите ја објавија најлошата можна вест – во вторник температурата повторно ќе се искачи до 44 степени, а во Егејското Море ќе дува силен ветер.
Властите издадоа наредба за евакуација во неделата доцна навечер, а снимките објавени на социјалните мрежи покажуваат како чад го проголта островот. Пожарот избувнал во северниот дел на островот, кој е популарен меѓу британските туристи.
Гори островот Крф, луѓето се евакуираат со чамци и бродови
Луѓето од областите Санта, Мегула, Порта, Палија, Перитија и Синиес беа принудени да се евакуираат. Властите испратија чамци за да ја олеснат евакуацијата по море.
За потсетување, повеќе од 260 пожарникари работат на локализирање на пожарот на југот и западот на островот Родос во Егејското Море, каде што 30.000 туристи беа евакуирани во текот на викендот за време на најголемата операција од тој тип спроведена во Грција. Според грчкото Министерство за климатски промени и цивилна заштита, тој е „најголемиот пожар во историјата на Грција.
Во Грција температурите со денови надминуваат 40 степени, а речиси една недела во некои делови беснеат пожари.
Ветровите и огнениот фронт долг девет километри од центарот на островот до источните плажи создадоа екстремни услови, изјави портпаролот на противпожарната служба Василис Вартакојанис. Некои туристи пешачеа со километри по жештината за да стигнат на безбедно.Тие виделе животински трупови на патот во близина на изгорени автомобили.
Заменик-градоначалникот Константинос Тараслијас објасни дека ветрот во неделата наутро се свртел за 180 степени и пожарот се засилил и се проширил со километри кон туристичката зона.
Како и секое лето, Грција е зафатена од шумски пожари, често смртоносни, кои опустошуваат десетици илјади хектари шуми и вегетација.
Летово земјата го доживеа еден од најдолгите топлотни бранови во последните години, според експертите на националната метеоролошка служба EMY, со температури кои во текот на викендот достигнаа до 45°C во центарот на земјата.
Во понеделник температурата ќе „благ пад“ со прогнозирани температури до 37°С во Атина, додека во центарот и на Пелопонез живата треба да достигне до 42°С.
Според Јутарњи, на Егејското Море се предвидуваат силни ветрови до 50 км/ч, велат од EMY.
Во вторник топлотниот бран се очекува да продолжи со температури до 44°С, информираат од ЕМИ.
