Москва рано утринава беше нападната со беспилотни летала од правец на Украина, но тие беа пресретнати и уништени и нема жртви, соопшти руското Министерство за одбрана.
На два километри од зградата на министерството биле пронајдени фрагменти од дрон.
Министерството за одбрана го нарече „терористички напад“, додека градоначалникот Сергеј Собјанин изјави дека околу четири часот наутро биле погодени две нестанбени згради. Не е јасно дали беспилотните летала удирале во зградите кога биле соборени или зградите биле намерно погодени.
Од Киев немаше коментар. Украина речиси никогаш јавно не ја презема одговорноста за нападите во Русија или на територијата во Украина контролирана од Русија.
