Индонезиските власти уапсија 12 лица, вклучително и полицаец и службеник за имиграција, бидејќи регрутирале 122 лица во Камбоџа за да ги продадат нивните бубрези, соопштија денеска властите.
Индонезиските власти уапсија 12 лица, вклучително и полицаец и службеник за имиграција, бидејќи регрутирале 122 лица во Камбоџа за да ги продадат нивните бубрези, соопштија денеска властите.
Тие се обвинети за кршење на законите за трговија со луѓе и се соочуваат со затворска казна до 15 години и парична казна од околу 40.000 долари.
Тие се обвинети дека регрутирале луѓе низ Индонезија преку социјалните мрежи и ги испраќале во Камбоџа на трансплантација на бубрези, изјави Хенгки Харјади, началник на полицијата во Џакарта.
На жртвите им беа ветени по 9.000 долари.
„Жртвите се согласија да ги продадат своите органи бидејќи им требаа пари. Повеќето од нив ги загубија своите работни места за време на пандемијата“, им рече тој на новинарите.
На Индонезија не е непозната трговијата со луѓе и често луѓето стануваат жртви бидејќи се оптоварени со долгови.
Во 2019 година, властите уапсија осум лица како дел од најголемата операција за борба против трговијата со луѓе со околу 1.200 жртви кои беа однесени во странство како домашни работници.
