Поранешната хрватска алпска скијачка Јаница Костелиќ е бремена. На првородениот Оскар наскоро ќе му се придружи брат или сестра.
Четирикратниот олимписки шампион и петкратниот светски шампион во алпско скијање и еден од најдобрите хрватски спортисти на сите времиња е во среќно исчекување, пренесува хрватскиот магазин „Стори“. 41-годишната загрепчанка, која инаку е позната по внимателното чување на приватниот живот, на 1 јануари 2019 година во Загреб, само неколку дена пред роденденот, го роди своето прво дете – синот Оскар.
Поранешната спортистка досега само еднаш го покажала своето првороденче, а не се знае многу ниту за нејзиниот партнер, кој го крие од очите на јавноста, пренесува Дневник.хр.
Според хрватските медиуми, Костелиќ е во второто тримесечје од бременоста.
