Вимблдон на полноќ одлучил дека мечот на тенискиот ас Новак Ѓоковиќ против Стaн Вавринка ќе се игра најмалку еден час подоцна. Речиси сигурно е дека српскиот тенисер денеска нема да излезе на теренот пред 19 часот, освен под непредвидени околности, пишува српска Нова.
Имено, покрај претходно закажаните натпревари меѓу Карлос Алкараз и Александар Милер (првиот на програмата), и Ига Швјонтек и Петра Мартиќ (вториот натпревар на програмата), во распоредот е вклучен уште еден натпревар.
Енди Мари и Стефанос Циципас во четврток не успеаја да го завршат натпреварот пред 23 часот, па по закон натпреварот беше прекинат со резултат 6:7(3), 7:6(2), 6:4 за претставникот на Велика Британија.
Ова воопшто нема да му се допадне на Ѓоковиќ бидејќи постои реална можност и неговиот меч в петок да биде прекинат доколку натпреварите продолжат. Тоа може да му направи проблеми поради подготовката на натпреварот.
Така, првиот меч меѓу Ѓоковиќ и Вавринка (20-6) на Вимблдон би можел да трае практично два дена, што би му создало дополнителен проблем на српскиот ас!
Ѓоковиќ мечот со Вавринка го гледа како исплата на стари долгови.
– Ми зеде два Грен Слема, ме победи во две финалиња. Го сакам Стен, тој е одлична личност и тоа што го прави на негова возраст е инспирација. Тој има речиси 40 години и е силен, по неколку операции на коленото, не многу луѓе можат да го направат тоа. Креира повеќе тениска историја, не смееме да заборавиме дека три пати освои Грен слем, дека има олимписко злато и Дејвис куп. За восхит е и импресивно, по физичките тешкотии, тој сè уште одбива да се откаже. Еден од најубавите бекхендови со една рака што сум го видел, се надевам дека ќе играме, долго време не сме се сретнале, тоа ќе биде дуел на ветерани – изјави Ѓоковиќ.
Вавринка за Ѓоковиќ пак, вели дека е совршен играч:
– Не. Дали некогаш сте го виделе како игра? (смеа). Кажи ми една слабост. Мислам дека е нереален играч. Совршен играч. Ако погледнете на сè, тоа функционира толку чисто. Го игра совршениот удар во вистински момент. Сакам да го гледам како игра, како што сакав да го гледам Роџер. Сервира неверојатно, враќа се по услугата. Тој може се, воопшто не сум изненаден – изјави швајцарецот.
Колку Вавринка го цени српскиот ас најдобро говорат следните зборови.
– Имам нула проценти шанси да го освојам Вимблдон, барем така мислам. Среќен сум што победив, мислам дека ќе биде одличен натпревар. Играм сѐ подобро секој следен натпревар и морам да кажам дека е чест да се игра со Новак овде. Тоа ми недостасуваше во кариерата да играм против него на Вимблдон. Се надевам дека ќе биде натпреварувачки натпревар, но гледајќи ги последните резултати немам шанси.
