Шпанската полиција уапси Ирец (30) под сомнение дека задавил жена во хотел во одморалиштето Коста Дорада.
Според полициските извештаи, персоналот на хотелот пронашол жена во безживотна состојба во еден од ходниците во комплексот, пишува Мирор.
Осомничениот за убиството бил во врска со жртвата, а според неофицијални информации ја убил така што ја давел .
Тој веднаш по злосторството бил уапсен од полицијата, а потоа било утврдено дека има рани на зглобовите.
Наводно жената се обидела да побегне од убиецот, но тој ја стигнал.
Според извештаите, по убиството тој со чаша си нанел рани на рацете и зглобовите.
Поради ова тој бил префрлен во болница каде сега е под лекарски надзор.
