Царинските службеници во соработка со полицијата на 28.06.2023 година спречија обид за шверц на речиси 200 златници скриени во контролната табла на комбе на граничниот премин Батровци.
Случајот бил откриен на излез од државата, кога на детален преглед е одвоено комбе со италијански регистарски таблички, во кое освен возачот имало уште тројца патници, соопшти Царинската управа.
На прашањето на цариникот дали имаат нешто да пријават, сите присутни одговориле негативно.
Но, при детален преглед, во внатрешноста на контролната табла на возилото, помеѓу радиото и рачката на менувачот, биле пронајдени три кутии цигари полни со златна содржина.
Имено, во кутиите немало цигари, туку во секоја имало по две пакетчиња полни со метални монети, кои по изглед и карактеристики наликуваат на златни монети.
Вкупната тежина на 193-те откриени монети е 946,4 грама.
