Руските вооружени сили извршија ракетен напад врз градот Љуботин во североисточниот дел на регионот Харков, соопштија украинските власти.
Според нив, во нападот биле целосно уништени неколку куќи, објави Би-Би-Си.
Регионалното обвинителство во Харков соопшти дека 7 луѓе се повредени во нападот, а од урнатините е извлечено тело на едно лице.
Генералштабот на вооружените сили на Украина претходно предупреди дека руските сили продолжуваат со ракетни напади врз станбени населби низ целата земја, намерно насочени кон складишта за гориво во обид да ја „отежнат логистиката“ и „да создадат услови за хуманитарна криза“.
Во изминатите денови беа погодени магацини за гориво во неколку градови, како што е главниот град Киев, но и Лавов, Ривне, Житомир и Луцк, јави Би Би Си.
Според украинската војска, руски војници го тероризираат локалното население во главниот град Киев, Запорожје, Керсон и Харков, ограбувајќи, киднапирајќи и држејќи цивили како заложници.
Податоците за гранатирањето и акциите на руските војници не се потврдени од независни извори, објави Би Би Си.
