Видео од претседателот Владимир Путин се појави на ТВ „Росија 1“, а многу медиуми неточно пренесоа дека тоа е прва снимка од претседателот по вчерашниот вооружен бунт на Евгениј Пригожин. Но, снимката е стара иако сега првпат се прикажува на телевизија! Се работи за снимка од средба со воениот кор , прилог на новинарот Павел Зарубин на „Русија 1“, пишува Риа Новости.
– Па, се разбира, посветувам примарно внимание. Денот почнува и завршува со ова – вели Путин во видеото во врска со војната во Украина.
Во видеото Путин зборува за руската економија и за тоа дека постојано разговара околу производството на оружје со раководителите на претпријатијата и компаниите од воено-индустрискиот комплекс, како и со оние кои го користат ова оружје.
– Сè треба да биде во хармонија, така да се каже, меѓусебно, вклучително и нашите напори на полето на зголемување на одбранбената способност не треба да ја оштетат главната работа! А главната работа е основата. А основата е економијата – заклучил Путин.
