Д-р Вукомановиќ рече дека високите температури не се добри за чувствителните категории, а тоа се постарите, хроничните пациенти, трудниците и децата.
Летото штотуку пристигна, а веќе ги покажува своите вистински бои. Д-р Владан Вукомановиќ за РТС изјави дека високите температури не се добри за чувствителните категории, поточно постарите, хронично болните, трудниците и децата, и даде совети како да се однесуваат во овие денови.
Високи температури, висок степен на УВ зрачење, голема топлина, висок воздушен притисок, а проблеми има не само за болните туку и за здравите.
Зборувајќи за тоа како да се однесуваме кога чувствуваме вртоглавица, зголемено потење, Вукомановиќ вели дека советот се сведува на следново: да пиеме многу течности, да не се изложуваме на сонце од 10 до 17 часот, да престојуваме во климатизирани простории, но. разликата во однос на надворешната средина не треба да биде поголема од пет до седум степени.
Според него, ваквото време негативно влијае на чувствителните категории, најекспонирани се пациентите со кардиоваскуларни заболувања.
„Телото се брани со потење, вишокот течности се губи, крвните садови се шират, крвниот притисок флуктуира. Крвниот притисок треба почесто да се проверува доколку луѓето чувствуваат замор и вртоглавица, тогаш мора малку да ја прилагодиме терапијата“, вели д-р Вукомановиќ.
Ако сме изгубиле сол со потење, да пиеме вода и негазирани сокови, но може да земеме и лимонада, советува Вукомановиќ.
„Ова време лошо влијае на пациентите кои боледуваат од депресија, негативно се одразува на имунитетот на луѓето кои имаат имунолошки заболувања, жештините не се добри особено за дијабетичарите, се влошуваат респираторните симптоми“, посочи тој.
Доктор Вукомановиќ рече дека во просек дневно згрижуваат по десет пациенти кои доживеале срцев удар, а симптомите што укажуваат на тоа се потење, болка во градите, стегање во грлото, трнење во двете раце, вртоглавица, пад на притисокот. итн., пренесува РТС.
