Француското Министерство за одбрана во вторникот објави дека може да нарача илјада ракети за противвоздушна одбрана Мистрал во вредност од околу 500 милиони евра како дел од заедничката набавка со уште четири европски земји.
Претседателот Емануел Макрон во понеделникот рече дека Франција се согласила да купува со Белгија, Кипар, Естонија и Унгарија.
Макрон додаде дека постигнал напредок во убедувањето на некои од сојузниците на Франција во ЕУ да размислат за домашна, европска одбранбена стратегија, наспроти настојувањето на Германија за заеднички набавка на системи за противвоздушна одбрана надвор од Европа.
Ракетите за воздушна одбрана „Мистрал“ ги произведува компанијата МБДА. Ербас и БАЕ системи имаат по 37,5 отсто удел во МБДА, додека италијанската компанија Леонардо има удел од 25 отсто.
