Во последните три дена, во близина на плажата Сахара, областа Неа Каликратија, биле обиени најмалку четири автомобили. Од еден автомобил биле украдени патики, од друг лаптоп и пасош. Ова го пријавиле туристи на фејсбук страната „Грција Инфо“, а оттаму веруваат дека им и такви што не им пишале.
Не оставајте ништо од работите во автомобилите, се наведува на грчката инфо група на фејсбук со објавување на фотографија наводно на еден од крадците, кого го снимиле безбедносните камери.
Целта секако не се само туристите. Крадците не бираат, доволно е нешто да им го привлече вниманието и штетата кон вас е неизбежна.
На истиот портал можете да најдете и совети како да ги одвратите провалниците. Се вели дека крадците не се задржуваат долго на лице место, па затоа е тешко да се фатат како крадат. Ваквите кражби траат од 10 до 15 секунди, а се случуваат во секое време од денот или ноќта.
Најчесто го кршат стаклото од автомобилот со цврст предмет или ја кршат бравата, грабнуваат што ќе најдат и бегаат. Па поради тоа не оставајте ништо вредно во вашиот автомобил, дури и кога ќе излезете на неколку минути, ниту на прометни улици, ниту на јавни паркиралишта на кои нема чувар, посочува „Грција Инфо“.
Не одете на купување чим минете граница
Не одете на шопинг во големи маркети директно од граница со вашите куфери и други работи во вашиот автомобил! Крадците многу добро знаат дека туристите најчесто купуваат храна за сместување веднаш по пат за да не мора да доаѓаат подоцна и знаат дека се полни со вредни работи. Немојте да го правите тоа, а ако треба, нека остане барем едно лице до автомобилот за да внимава на работите.
– На седиштето не смеете да оставите ни чаши кои сте ги платиле евтино, бидејќи крадците може да мислат дека имаат поголема вредност и поради нив да ви го скршат прозорецот. Не смеете да оставите ни женска чанта, иако од неа сте земале се што е вредно со себе. Крадецот не го знае ова и голема е веројатноста дека поради таа чанта ќе се обиде да го ограби автомобилот. Врз основа на извештаите добиени претходно од туристите во Грција, наведени се местата каде што се случиле провалите на автомобили, што не значи дека тоа ќе ви се случи на истото место, но секако може да биде добар потсетник за да бидете внимателни – стои во објавата на фејсбук.
Според досегашните искуства, крадците најчесто „оперираат“:
на паркинзите на големите супермаркети и трговски центри
на отворени паркинзи во Солун, кај Белата кула, околу плоштадот Аристотелис
на паркингот на Aquapark Waterland во Солун
на паркинзите на некои плажи на Халкидики (Оранж, Тиганија, Златна плажа Палиури, Арка плажа Сарти)
Познати се и неколку случаи на упади на паркингот во трговскиот центар One Salonica.
