Главната украинска хидроенергетска компанија „Укрхидроенерго“ соопшти дека четири области ќе имаат краткорочни проблеми со водоснабдувањето поради уништувањето на браната Нова Каховка и излевањето на акумулацијата, а Крим нема да добие вода најмалку една година.
– Нема водоснабдување на Крим бидејќи нивото на водата во акумулацијата Каховка е многу пониско од нивото на водата што е потребно за да тече низ Кримскиот канал. Затоа, најверојатно, Крим нема да се снабдува со вода најмалку една година – изјави Ихор Сирота, генерален директор на Укрхидроенерго.
Тој додава дека регионите на Дњепропетровск, Запорожје, Херсон и Миколаев ќе имаат проблеми со водоснабдувањето.
– Грубо речено, разбираме дека тоа се четири области кои ќе имаат проблеми со водоснабдувањето. Затоа што знаеме дека зафатите за вода повеќе не функционираат под 12,70 метри (ние го нарековме „мртва зона“) – рече Сирота.
Според него, сега се размислува за алтернативни решенија за населението, односно пред сè да се обезбеди вода за пиење.
