Синоќа околу 22.40 часот на подрачје на Аеродром, полициски службеници од Секторот за меѓународна полициска соработка – Отсек потраги го лишиле од слобода М.П.(34) од с.Мојанци, скопско.
Тој бил осуден на казна затвор од 5 години за сторено кривично дело по член 215 од Кривичниот законик, а бил баран по централна потерница врз основа на наредба од Казнено-поправната установа затвор „Идризово“ поради бегство од затворот во 2015 година.
Лицето било спроведено во казнено-поправната установа за доиздржување на 2 години и 6 месеци од казната.
