Тропскиот циклон Мока во неделата ги погоди бреговите на Бангладеш и Мјанмар, од кои беа евакуирани стотици илјади луѓе.
Најмалку три лица загинаа, а повеќе од 20.000 луѓе беа евакуирани во манастири, училишта и други градови кога циклонот Мока го погоди Мјанмар.
Циклонот бил придружен со ветер кој дувал 209 километри на час и предизвикал огромна материјална штета, соопштија метеоролозите од Мјанмар.
Бурата се карактеризира со петта категорија, најсилна на скалата Сафир-Симпсон, објави американскиот центар за предупредување за циклони.
Воената информативна канцеларија на Мјанмар соопшти дека невремето оштетило куќи, далноводи, чамци и улични светилки во градовите Ситве, Кјаукпју и Гва.
Невремето ги откорна и покривите од спортските сали на островите Кокос. .
Медиумите објавија дека ниските области се поплавени и дека многу луѓе останале заробени во своите домови.
Прекинати се и телефонските и интернет врските.
