Пожар избувнал попладнево во седумкатница во Рим, која што била во реконструкција, при што загинало најмалку едно лице.
Според медиумите, една жена загинала, додека најмалку 17 лица се повредени.
Пожарот во зградата настанал по експлозија, но причината сѐ уште не е позната.
Пожарникарите и полицијата се на терен, додека на снимката се гледа како густ црн чад се извива од зградата.
Телото на жената било пронајдено на скалите, а пожарникарите рекле дека таа најверојатно починала од задушување додека се обидувала да избега од пожарот.
