Високиот претставник на Европската унија за надворешна политика и безбедност, Жозеп Борел, побара и распишување нови локални избори во општините на северот на Косово, учество на Србите во тој изборен процес и почеток на работата за формирање на Заедница на општини со српско мнозинство.
Борел синоќа на Твитер напиша дека со претседателот на Србија, Александар Вучиќ и со претседателот на Косово, Вљоша Османи, разговарал за „опасната ситуација на северот на Косово“.
Тој во публикацијата наведе дека имал заедничка средба со францускиот претседател Емануел Макрон и германскиот канцелар Олаф Шолц, но и дека имал одвоени средби со Вучиќ и Османи.
„Имаме три јасни барања, а тоа се нови локални избори веднаш, обезбедување учество на косовските Срби во изборниот процес, почеток на работа за формирање на Заедница на општини со српско мнозинство во рамките на дијалогот под покровителство на ЕУ. напиша Борел.
„Ако тоа не се направи, ќе има сериозни последици за нашите односи“, додаде тој во изјавата по средбата со претседателите на Србија и Косово на маргините на состанокот на европската политичка заедница во Молдавија.
Во прилог на пораката на Твитер се слики на кои Борел се среќава одделно со Османи и Вучиќ, како и заедничка средба на која Османи, Вучиќ се заедно со Борел, Макрон и Солац.
Пред Борел, речиси идентична иницијатива презентираше францускиот претседател Емануел Макрон во име на Франција и Германија.
Макрон синоќа во Молдавија изјави дека Париз и Берлин апелирале до Србија и Косово што е можно поскоро да се организираат нови локални избори во четири општини со српско мнозинство на северот на Косово и на нив да учествуваат српски претставници.
