Притвор им е одреден на седум од деветте лица уапсени во акцијата „Систем 2023“ поради сомнение дека користеле деца за порнографија, потврдија за Срна од Министерството за внатрешни работи на Република Српска.
Припадниците на МУП уапсија девет лица поради сомнение дека во претходниот период извршиле кривични дела експлоатација на деца за порнографија, перење пари и недозволено изработување и тргување со оружје или експлозивни материи.
Оперативната акција „Систем 2023“ ја спроведоа полициски службеници од Одделот за високотехнолошки криминал на Управата за криминалистичка полиција во соработка со припадниците на полициските управи на Бјелина, Добој и Бањалука.
Министерот за внатрешни работи Синиша Каран претходно изјави дека станува збор за криминалци кои користат деца и малолетници за детска порнографија, за што сите мора да бидат загрижени, а полицијата да ги интензивира активностите против таквите лица.
„Од тие материјали заработуваа, па ги продаваа, а не само ги даваа и користеа. Страшно е во овој случај“, изјави Каран.
