Иако пред една недела Светската здравствена организација прогласи крај на епидемијата на мајмунски сипаници, луѓето се уште се во страв од оваа болест.
Иако сите се плашиме од нов, пострашен вирус, добрата вест е дека мајмунските сипаници не се „новиот ковид“, ширењето на инфекцијата може да се контролира и спречи.
Иако припаѓаат на истата фамилија на вируси како и озлогласената „сипаница“ (вариола), мајмунските сипаници се далеку помалку сериозни. Вакцините против сипаници кои им биле дадени на генерации родени помеѓу 1972 и 1980 година, исто така, може да обезбедат одредена заштита од мајмунски сипаници, пишува City Magazine.
Мајмунските сипаници се карактеризираат со осип кој поминува низ различни фази (слично на варичелата), на крајот формирајќи красти и паѓајќи. Многу ретко доведуваат до смрт.
Тие се пренесуваат најчесто преку близок контакт со заразено лице – преку пукнатини на кожата и телесни секрети. Најголем број случаи се забележани кај мажите, хомосексуалците. Сепак, мајмунските сипаници не се сметаат за сексуално преносливи болести, бидејќи може да се пренесат без сексуален однос.
Вирусот е слабо заразен, така што повеќето луѓе кои доаѓаат во контакт со заразено лице не се разболуваат. Според експертите од Националната служба за заразни болести на Велика Британија, мајмунските сипаници не се шири лесно, а ризикот за јавноста е многу мал.
За потсетување, минатата недела учесниците на состанокот на Комитетот за вонредни состојби на меѓународните здравствени регулативи констатираа дека епидемијата на мајмунски сипаници во неколку земји не претставува закана за јавното здравје од меѓународно значење.
