Без разлика колку пати сте ги виделе на фотографии или на филмови, никој не може да ве подготви за чувството кога конечно во живо ќе ги видите познатите египетски пирамиди во Гиза.
Некои од најстарите градби во светот, кои и денес се добро сочувани, се наоѓаат на петнаесет километри од Каиро. Тие се единствените од списокот на антички светски чуда кои и денес можат да се видат. Меѓутоа, ако можете само да сонувате дека ќе ги посетите еден ден, можете подобро да ги запознаете пирамидите во одличното видео на Јутјуберот Мануел Браво.
Видеото, кое е многу повеќе од снимки од одмор (како што ги има на секој чекор), покрај историјата и интересните факти за пирамидите, со помош на виртуелна реконструкција нуди можност да се види како тие некогаш изгледале, во најдобра форма.
На десетици илјади луѓе им беа потребни околу 20 години само да ја изградат Големата пирамида, а беа искористени околу два и пол милиони камени блокови. Проценките за количината на употребените материјали се пет милиони тони варовник и осум илјади тони гранит. Според Punkufer, пирамидите се неисцрпен извор на интерес кој никогаш не престанува да ги фасцинира експертите. Видеото можете да го погледнете во прилог.
