Остров во јужниот дел на Пацификот, кој е дел од француската територија Нова Каледонија, го потресе силен земјотрес. Според Геолошкиот институт на САД (USGS), бил со јачина од 7,7 степени, а центарот бил нешто повеќе од 30 километри под нивото на морето.
Надлежните органи издадоа предупредување за цунами во поширокото подрачје.
Имаше предупредувања за неколку други острови во Тихиот Океан, вклучувајќи ги Вануату и Фиџи. Посилни струи и бранови се очекуваат и во Австралија и Нов Зеланд, пренесува германската новинска агенција dpa.
Земјотресот, кој го потресе архипелагот во средината на денот по локално време, бил проследен со неколку последователни потреси, соопшти USGS.
