Главниот град на Турција Анкара вчера беше погоден од силен ураган, кој уништи голем дел од градската инфраструктура. Уништени се минариња, покриви, згради, а еден граѓанин снимил неверојатна сцена, која навистина го илустрира размерот на катастрофата. На небото над Анкара во еден момент полета и кауч!
„Летечкиот кауч“ не можеше да помине без бројни коментари на Твитер.
„Ова не се случува!“ – зачудено изјави еден.
„Кутри луѓе…“ – напиша друг.
„Дали е тоа птица? Дали е тоа авион? Не, тоа е кауч!“ – се пошегува трет.
Засега не е познато дали има повредени, а штетата од ураганот сè уште се пресметува.
Како што пренесуваат тамошните медиуми, брзината на ветерот изнесувала и до 145 километри на час. На терен имало дури 1.221 возило на градската служба и 2.565 вработени, кои континуирано интервенирале во отстранување на последиците од разорниот ураган. Како што соопшти градоначалникот на Анкара, отворена е и специјална линија за помош на граѓаните.
