Меган Маркл деновиве беше фотографирана на планинарење, на кое тргна за време на викендот на крунисувањето на кралот Чарлс, а нејзините најнови фотографии ги збунија фановите.
Имено, многу луѓе забележале дека носи необичен предмет под кошулата и веднаш почнале шпекулациите дека се работи за апарат кој помага при слабеење, додека други заклучиле дека лечи брух.
41-годишната војвотка од Сасекс е фотографирана како ужива на свеж воздух со пријателите, само неколку часа откако го пропушти крунисувањето на кралот Чарлс Трети. За излегување во природа носеше црни хулахопки и широка маичка со кратки ракави и каки јакна што ја врза околу половината, беж капа со широк обод, а очите ги криеше зад големите очила за сонце.
Но, многу фанови брзо забележаа дека Меган носи нешто околу половината, поточно скриено под кошулата, што ги заинтригира сите. На социјалните мрежи веднаш почнаа дискусии за што точно се работи и за каков мистериозен предмет се работи, па се појавија теории дека носи завој поради неодамнешната операција на стомак, а некои дури се запрашаа дали тоа значи дека има здравствени проблеми.
„Дали Меган носи бру појас? Или тоа е ташна под кошулата?“, „Старе, веројатно има осип“, „Морав да се оперирам и носам корсет, па така ми изгледа под облеката. Велкро е и се користи после операции“, се дел од коментарите.
Како што пренесува Дневник.хр, други претпоставувале дека се работи за монитор за шеќер или пумпа со лекот за дијабетес Оземпик, кој во последните месеци стана популарно помагало за слабеење меѓу многу ѕвезди, додека некои заклучија дека станува збор за апарат за снимање на следен документарен филм за неа и принцот Хари.
Поединци се прашуваа дали се работи за некаква опрема за вежбање, нешто како тегови, или можеби нешто за држење телефон или паричник додека одат.
„Тоа е спортска торба. Спортистите го користат за да ги носат своите мобилни телефони“, заклучи еден корисник на Твитер.
Меган го пропушти крунисувањето на кралот Чарлс, на кое присуствуваше само принцот Хари, кој само неколку часа по историскиот настан го фати летот на Бритиш ервејс за Калифорнија, од каде отпатува дома за да се сретне со својот син на неговиот роденден. Принцот Арчи наполни четири години во саботата и го помина денот со својата мајка Меган, војвотката од Сасекс, во нивниот дом во САД. Стјуардесите потврдија дека Хари бил на летот, но рекоа дека не им било дозволено да разговараат за неговото патување. Британските медиуми пишуваат дека кралот Чарлс бил тажен затоа што Хари, Меган и нивните деца не биле на свечениот ручек по крунисувањето, а наводно му испратил специјална здравица на својот внук Арчи по повод неговиот роденден.
