Палестинското движење Исламски џихад објави дека се убиени тројца негови лидери, нивните сопруги и неколку деца.
Дванаесет лица загинаа во израелските воздушни напади врз Појасот Газа во, како што рече израелската војска, напади врз членови на палестинското движење Исламски џихад, пренесува Ал Џезира.
„Министерството за здравство објави дека 12 лица загинале во Појасот Газа, а најмалку 20 се повредени во израелските воздушни напади“, јави репортерот на Ал Џезира, известувајќи од Газа.
Експлозии насочени кон станбени згради се слушнаа во вторникот околу 2 часот по локално време во различни делови на Газа.
Од 12-те убиени, тројца се водачи на Исламскиот џихад, додека другите девет се цивили, главно нивните семејства, а исто така и цивили околу становите кои беа цел.
Палестинското движење Исламски џихад објави дека тројца негови водачи биле убиени во воздушни напади. Загинатите се идентификувани како Џихад ал Ганам, Калил ал Бахтини и Тарик Из ал Дин.
