Министерката за здравство на Србија Даница Грујичиќ утрово за локалните медиуми изјави дека три лица повредени од огнено оружје кај Младеновац се во критична состојба, како и двајца ученици повредени во основното училиште „Владислав Рибникар“ во Белград.
Грујичиќ изјави дека другите повредени се постабилни, дека дел од нив се веќе пуштени дома, а некои наскоро ќе бидат пуштени, но и дека двајца од повредените на училиште следната недела ги очекуваат ортопедски операции.
Министерката изјави дека министерствата за здравство и образование „поминале долг пат“ во формирањето мобилни тимови од психолози, психијатри, педагози, кои ќе одат во училиштата и ќе се занимаваат со врсничко насилство, зависности, игри, интернет и други теми. бидејќи на тоа работи повеќе од еден месец.
Во средата 13-годишен ученик од основното училиште „Владислав Рибникар“ во Белград уби осум ученици и еден работник од обезбедувањето во тоа училиште, а повреди уште шест ученици и еден наставник. Во селата кај Младеновац, 21-годишен маж во петокот уби осум лица, а повреди 14.
Денеска ќе бидат погребани четворица ученици и чуварот и пет жртви од престрелката во Младеновац.
