Во северниот дел на Косовска Митровица, недалеку од полициската станица, во раните утрински часови се случи експлозија.
Како што потврди заменик-командантот на косовската полиција, Ветон Елшани (Елшани), експлозијата се случила околу 03:00 часот, во близина на електричниот столб каде што биле поставени камерите за надзор, пренесува Kossev.info.
Од експлозијата е оштетен столбот, како и автомобил кој бил паркиран во близина.
Од полицијата потврдија дека нема повредени. Случајот е класифициран како предизвикувач општа опасност.
Елшани не можеше да потврди каква експлозивна направа е фрлена, наведувајќи дека на неа работат специјализирани единици.
На раскрсницата што води кон полициската станица, полицијата кон средината на минатиот месец постави камери за видео надзор. Како што беше кажано тогаш, овие уреди се поставуваат за да се подобри безбедноста на полициската станица.
