Девојче со нож повредило момче и наставничка по историја во приватната гимназија „Руѓер Бошковиќ“ во Белград, јави српскиот портал Блиц.
Девојчето донело кујнски нож во училиште, но за среќа нападнатите не биле тешко повредени.
На терен има силни полициски екипи и итната помош.
Пред училиштето шокирани родители ги чекаат децата, видно вознемирено, се тресат и плачат.
– Син ми ми се јави и ми рече веднаш да дојдам на училиште, дека на училиште има над 20 полицајци, дека од другарка слушнал дека девојка избодела професорка по историја, а потоа почнала да брка другарка – раскажува една мајка.
Друга мајка вели дека дознала дека девојката побегнала и дека ја бараат.
– Се плашам за животот на моето дете од сега па натаму. Ова е престижно училиште, имаат обезбедување, капија. Нашите деца веќе никаде не се безбедни – изјави мајка на девојче кое оди во ова училиште.
Драгиша Савиќ, извршен директор на гимназијата „Руѓер Бошковиќ“, изјави:
– Во моментов координираме 25 комбиња, за децата да ги однесат дома. Засега се е во ред, полицијата е таму, без грижи. Жртви нема.
Овој напад се случи ден по трагедијата во училиштето „Владислав Рибникар“, кога 13-годишниот Коста Кецмановиќ уби осум врсници и еден училишен чувар.
