Европскиот систем за брзо предупредување за храна и добиточна храна (RASFF) објави дека рибата се повлекува од хрватскиот пазар поради сомневање дека е заразена со паразит сличен на црв од видот anisakis spp..
Anisakis spp е пронајден во свежа скуша со потекло од Шпанија која била дистрибуирана во Хрватска, Австрија, Србија, Словачка и Словенија, а известувањето важи и за Италија.
Натрапникот е откриен токму во Хрватска. Имено, еден купувач се пожалил и веднаш бил алармиран европскиот систем за предупредување за храна, по што производот бил повлечен од пазарот. Известувањето за повлекување е достапно на веб-страницата на RASFF.
Кои се симптомите на инфекција?
Science Direct наведува дека луѓето можат да се заразат со конзумирање сирова, чадена, маринирана или недоволно варена риба и лигњи кои го содржат овој штетник. Зоонозата која се пренесува преку рибите позната како анисакијаза се повеќе се препознава во светот како важна човечка болест.
Знаци и симптоми на анисакијаза се абдоминална болка, гадење, повраќање, абдоминална надуеност, дијареа, крв и слуз во столицата и блага треска. Може да се појават и алергиски реакции со осип и чешање, а ретко и анафилакса.
Американскиот центар за контрола и превенција на болести (ЦДЦ) советува да не се јаде сирова или недоволно варена риба и лигњи за да се избегне заразување со анисакијаза.
