Грозоморниот масакр што се случи вчера во основното училиште „Владислав Рибникар“ во Белград, Србија, ја потресе целата нација и регионот, а познати личности изразуваат сочувство до семејствата на жртвите во овој трагичен настан.
Српската пејачка Марија Шерифовиќ донесе одлука да го откаже својот концерт кој требаше да се одржи во Хрватска, во знак на почит кон жртвите.
„Драги пријатели, длабоко сум потресена од трагедијата што се случи во училиштето „Владислав Рибникар“. Одлучив да го откажам концертот што требаше да се одржи викендов во аквапаркот во Хрватска. Мислам дека следните неколку дена треба да ги поминеме во тишина и молитви за настраданите. Моето најискрено сочувство и солидарност во болката за семејствата на загинатите деца и работниците во училиштето“, напишала Марија.
И хрватската пејачка Северина Вучковиќ го откажа концертот што планираше да го одржи деновиве во Белград.
ФОТО: Инстаграм
