Нема договор мегу владата и синдикатите за скалесто зголемување на платите во јавниот сектор и по денешниот социјално-економски совет. Револтирани од, како што велат, игнорантскиот однос на Владата и надлежните министерства и неисполнетите ветувања, синдикатите и адмнистративците ќе протестираат на 30 март пред собранието.
Поддршка за КСС пристигна и од СОНК од каде велат дека засега не размислуваат за протести но најавија генерален штрајк во образованието од 11 април. Со свои протести се заканија и синдикатите на УПОЗ.
Владиниот портпарол Душко Арсовски вели Владата го утврдила текстот за предлог-измените на Законот за административни службеници и истиот се очекува уште денес да биде доставен до Собранието. Со овие измени, треба да се постигне еднаквост на вработените во приватниот и јавен сектор со најниски примања, со воспоставување на скалесто усогласување на платите на административните службеници на сите нивоа.
