На предлог на СДСМ, Андреј Жерновски е можниот нов македонски амбасадор во Белград, Република Србија, објави МКД.мк.
Се шпекулира дека и Реџеп Демири, досегашниот конзул во Минхен, на предлог на ДУИ ќе биде испратен на амбасадорската функција во Берн, Швајцарија.
Инаку од Владата негираа дека предлозите пристигнале до надлежните служби и дека веќе е започната процедурата за именувањето на новите амбасадори.
– Немаме информации за ова, а за пополнување на останати амбасадорски места постои процедура, кога ќе се добие агреман за одредено место во дипломатски претставништа јавноста ќе биде информирана – изјави портпаролот на Владата, Душко Арсковски.
