На околу 30 километри северозападно од полскиот град Краков се наоѓа селото Сулошова, кое стана вирално на социјалните мрежи поради чудниот начин на живот на неговите жители. Зошто?
Сосема е можно деновиве на една од социјалните мрежи да налетате на снимки од воздух и фотографии од селото Сулошова, кое се наоѓа на околу 30 километри северозападно од полскиот град Краков. Посебната карактеристика на ова село е што е концентрирано околу една улица, која со своите девет километри се смета за една од најдолгите во Полска.
Така, целото население од нешто помалку од 6.000 селани живее по еден пат. Како што може да се види од снимките и фотографиите, низ населеното место изобилуваат ниви и ливади. Најверојатно тоа е причината за необичниот распоред на куќите, бидејќи жителите не сакале премногу да навлегуваат во обработуваните површини. Многу луѓе се апсолутно воодушевени кога ќе го видат интересниот распоред на куќите и локалните објекти и зеленилото на локалната природа.
Како што објави британскиот таблоид Дејли Мејл, селаните се тесно поврзани. На пример, тие организираат денови на јагоди и компири, каде што можат да вкусат нови производи со жива музика. Бидејќи нема такси, оние кои немаат лични возила мора да одат пешки за да ги извршуваат обврските, рече работникот во локалната продавница Мартина. Истовремено, таа нагласи дека и покрај должината на селото, се е на дофат. „Продавница, банка, здравствен дом… пешки можеме да пристапиме до се.
Селото е основано во 16 век од аристократски воен офицер, пишува Дејли мејл.
