Нетфликс ова лето ја започнува имплементацијата на долгонајавуваниот план.
Наскоро започнува долгонајавуваната превенција од споделување лозинка на Netflix, пишува TechCrunch. Американскиот сервис за стриминг првично планираше да започне „платено споделување“ во САД на почетокот на оваа година, но се чини дека кампањата ќе започне малку подоцна – на 30 јуни.
Овој потег не е ограничен само на САД.
„Планираме да го воведеме ова во повеќе земји во вториот дел од годината“, изјавија претставници на Нетфликс.
Нетфликс, исто така, објави дека официјално ја исклучува услугата за претплата на ДВД, која оваа година ќе го прославеше својот 25-ти роденден.
Сагата на Нетфликс за зголемените профити, која започна со пад на приходите по пандемијата, вклучува зголемен притисок врз претплатниците да не споделуваат лозинки. Иако се уште не стигнал до нас, веќе е на сила во Канада, Нов Зеланд, Португалија и Шпанија.
Како ќе изгледа?
Нефтликс ќе бара од корисниците да ја наведат „примарната локација“ на нивната сметка.
Доколку имаат некој што не живее со нив користејќи го нивниот акаунт, ќе имаат опција да „купат дополнителен член“.
Стриминг гигантот вели дека ќе дозволи до два дополнителни членови по сметка, а цената ќе се разликува во зависност од земја. На пример, во Португалија цената е 3,99 евра.
Кога станува збор за заработката, и овој квартал наводно не постигнал задоволителни резултати. Нетфликс соопшти дека заработил 8,16 милијарди долари во првиот квартал, додека Волстрит очекувал 8,18 милијарди долари.
„На секој пазар каде што најавивме мерки, прво гледаме бес, а потоа раст“, велат од Нетфликс.
„Како што „кредиторите“ почнуваат да ги активираат своите сметки и постојните членови додаваат „дополнителни членови“, гледаме зголемување на заработката и аквизицијата“.
