Дваесет и едно лице загина во пожар во болницата Чангфенг во Пекинг, по што се евакуирани десетици пациенти, објавија кинеските државни медиуми.
Персоналот евакуирал 71 пациент, објавија медиумите. Пожарот е изгаснат.
Видео снимките од пожарот кои кружат на социјалните мрежи покажуваат црн чад како излегува од зградата, додека некои луѓе излегуваат низ прозорците со јаже направено од чаршафи. Други се качиле на клима уредите што се наоѓаат веднаш до прозорците.
„Трагично е. Несреќата ја гледам од прозорецот на мојата куќа. Многу луѓе стоеја на клима уредот напладне, а некои дури и скокнаа“, напишал еден граѓанин на социјалната мрежа Веибо, најпозната мрежа во земјата.
