Хрватската фолк пејачка Морена Марјановиќ почина по битка со тешка болест, потврди нејзиниот поранешен сопруг за српските медиуми.
„Морена почина вчера во 10 часот во болница. Таа се бореше со леукемија. Таа успеа да ја победи болеста, но за жал таа се врати. Не знам што да ти кажам. Тешко е за семејството. Отидов во болница да ја видам и за жал Морена повеќе не е со нас“, изјави за „Курир“ нејзиниот поранешен сопруг Мануел Цури.
Морена почина на 36-годишна возраст, а ја оставија родителите, ќерката, сестрата и бабата.
Погребот ќе се одржи во Мали Лошињ на 19 април.
