Публиката има можност да го види актерот Кијану Ривс како ладнокрвниот убиец Џон Вик, но актерот минатата недела ја покажа својата друга страна, а во интервју за магазинот People откри како изгледаат моментите на блаженство со неговата партнерка Александра Грант. .
Кијану Ривс не е познат по тоа што споделува интимни моменти пред камерите, но изминатиов викенд направи исклучок на црвениот тепих во галата на Музејот на современа уметност во Лос Анџелес.
Тој се појави со својата повеќегодишна партнерка Александра Грант со која се смееше, се гушкаше и на крајот се бакнуваше пред фото кабините.
Во неодамнешното интервју за магазинот People, актерот, невообичаено за него, откри детали од врската со овој наградуван визуелен уметник. Запрашан да ги опише неговите „последни моменти на блаженство“, Ривс рече дека тоа се случило „пред неколку дена“ со неговата сакана.
„Бевме во кревет, бевме поврзани. Се смеевме и се смеевме. Одлично чувство. Беше многу убаво што бевме заедно“, изјави актерот, ѕвезда на филмовите „Матрикс“.
Двајцата уметници ја објавија својата врска во ноември 2019 година кога се појавија рака под рака на црвениот тепих на настан во Лос Анџелес.
Меѓутоа, нивното запознавање датира години наназад, од 2011 година кога Грант ја илустрирал својата прва поетска книга „Ода на среќата“. Тие повторно соработуваа во 2016 година на новата книга на Ривс, Shadows. Сега заедно водат издавачка куќа.
Грант откри во 2020 година дека е несигурна да излезе во јавноста со нивната врска.
„Мислам дека секоја личност што ја познавам ми се јави првата недела од ноември и тоа беше фасцинантно“, изјави Гранд за Vogue.
Александра Грант има 50 години, а покрај врската со познат актер, вниманието на јавноста го привлекува и нејзиниот изглед.
Имено, поради нејзината необоена седа коса, луѓето често зборуваат колку години има, иако всушност таа е осум години помлада од партнерот.
