Рускиот канал „Донбас Девушка“ се појави на социјалните мрежи откако Русија изврши инвазија во Украина, а сега наводно е откриено дека зад него стои поранешена припадникчка на американската морнарица кој неодамна била отпуштена од активна воена служба, пишува Волстрит Журнал.
Овој канал, како што се наведува, објавил и лажна верзија на „тајни документи од Пентагон“. Се испостави дека „девојката Мила од Луганск“, која ги води подкастите, всушност е Сара Билс (37), разведена Американка од Њу Џерси. Тоа беше разоткриено од членовите на „Северноатлантската фела организација“ (#NAFO).
НАФО ги спореди фотографиите и другите информации од еден од подкастите и откри дека нејзиното вистинско име е Сара Билс, но неодамна го промени во друго руско име. Нејзиниот канал на Телеграм објавува повеќе „забранети“ содржини, вклучувајќи мимови, лажни слики и ултранасилство: како што се поддршка за убиството на американски доброволец кој отишол во Украина, видеа на мртви Украинци и видеа кои поддржуваат обезглавување на украински затвореник од страна на припадниците на Вагнер.
Користејќи различни псевдоними, вклучувајќи ги и „CheburekiVibes“, „MeatballSubZero“, „YuGopnik“, „GhostofLugansk“, таа собра 135.000 претплатници на нејзиниот подкаст, кој го емитува со шифриран „руски“ акцент. Таа лани отвори канал на „YouTube“, а потоа и друг профил на Твитер наречен @Luganskforlife.
Исто така, барем на социјалните мрежи, таа тврди дека е експерт за геополитика и историја, како и дека студира на Факултетот за политика и глобални студии на Државниот универзитет во Аризона. Сепак, разликите меѓу нејзината личност на социјалните мрежи и во реалноста се впечатливи.
Додека на своите следбеници им кажала дека е во Луганск, всушност била на суд каде се расправала со својот сопруг. Исто така, нејасни се околностите под кои Билс ја напушти морнарицата. Таа исто така учествувала во сообраќајна несреќа со голема брзина, но тврдењата дека била отпуштена поради возење во алкохолизирана состојба не се потврдени и нема судски записи за нејзино кривично гонење.
Самата Билс тврди дека била „исфрлена“ од војската поради нејзините „левичарски ставови“. Поранешните соработници изразија загриженост за нејзиното ментално здравје и ја нарекоа патолошка лажга. Нејзината мајка дознала дека нејзината ќерка често измислува приказни.
