Неверојатна снимка го прикажува моментот кога руски војник ја измамил смртта откако бил погоден во главата од снајперски куршум во Бахмут.
Рускиот војник од редовите на платеничката група Вагнер бил погоден со куршум, а додека станал ноншалантно им рекол на колегите: „Мора да сум жив“.
Додека неговите другари се кријат зад уништениот ѕид, снајперистот јасно можеше да ја види главата на човекот додека стоеше на повидок. Куршумот рикошетирал од камерата на неговиот шлем, оставајќи го привремено замаен и збунет во срцето на воената зона Бахмут, се вели во извештајот, кој го пренесува Дејли Мејл.
Од силината на куршумот тој беше зашеметен и му беше уништена камерата, стрелецот да погодел само неколку сантиметри подолу, војникот ќе умрел на лице место, пишува Дејли Мејл.
Друг руски војник, очигледно зачуден кога го видел својот колега како бега од смртта, изговара: „Среќа“.
– Ајде, отстапи, отстапи – вика борецот обидувајќи се да го однесе човекот на побезбедно место.
Потоа со неверување го прашуваат: – Жив си?
– Да, мора да сум жив – вели тој, кревајќи ги рамениците, очигледно не верувајќи на својата среќа.
Тогаш се слуша глас кој предупредува дека четата е на повидок на украинските војници.
– Снајперист! Снајперистот работи! – се слуша како вели еден војник.
Снимката е направена од дописникот на РИА Новости кој ги следел руските војници на фронтот во Украина.
Видеото се појави откако аналитичарите и руските официјални лица во петокот изјавија дека битката за Бахмут повторно се вжештува. Осум и пол месеци градот во источна Украина беше „сцена“ за најдолгата и најкрвавата битка во војната.
