Јужнокорејската актерка и модел Јунг Чае-јул, позната од серии на Нетфликс, денеска е пронајдена мртва во својот дом, на возраст од 26 години.
Веста за нејзината смрт ја објави агенцијата „Менаџмент син“ со која соработуваше, но деталите за трагедијата не се објавени.
Актерката беше позната по нејзината улога во серијата на Нетфликс „Зомби детектив“, како и во сериите „Дадов сè од себе“ („I Have Not Done My Best“) и „Длабочина“ („Deep“). Таа требаше да глуми во долгонајавуваната драма од корејска продукција, но трагедијата ја спречи во тоа.
Од агенцијата најавија дека погребот ќе биде во кругот на семејството, побараа да не се шират шпекулации за овој трагичен настан.
По веста за смртта на Јунг Чае-јул, многу фанови се простуваат од неа на социјалните мрежи објавија. Актерката последен пат се огласи на Инстаграм пред три дена.
