Триесетина македонски и грчки бизнисмени имаа прилика да се сретнат на средба организирана од американската Стопанска комора во Северна Македонија и Американско-грчката стопанска комора, а им беше презентирано како можат да ги искористат новите закоснки погодностите и државна помош за инвестирање во Македонија.
Освен Кејт Мари Брнз, американската амбасадорка во земјата и Дејвид Бругер, заменик шеф на мисијата во Амбасадата на САД во Република Грција, на настанот се обрати и вицепремиерот Фатмир Битиќи.
– Ви благодариме што бевте амбасадори и што го ширите добриот збор за потенцијалот за инвестирање во Северна Македонија, како и што ги изложивте нашите достигнувања, проекти и идни планови и во јавниот и во приватниот сектор – рече Битиќи.
Освен што зборуваше за економското поврзување меѓу Македонија и Грција во пост-ковид периодот Битиќи се осврна и на домашните економски текови.
– Фокусирани сме на преобликување на нашата економија преку донесување на повисоко платени работни места и производство на производи со повисока додадена вредност, со поддршка до 50 отсто од вкупните инвестициски трошоци за центрите за истражување и развој на компанијата како дополнување на веќе одобрените 50 отсто поддршка на инвестицијата во поизводствоto. Пакетите за поддршка вклучуваат 10-годишно даночно ослободување на корпоративниот и персоналниот данок на доход. На страната на готовинскиот грант обезбедуваме 20 отсто поврат на капиталните инвестиции како и грант за секое отворено работно место – рече Битиќи.
