Министерството за одбрана на Тајван на третиот ден од кинеската воена вежба извести дека до понеделник наутро забележало 59 кинески борбени авиони во близина на Тајван.Според Министерството, од 59-те набљудувани авиони, 39 од нив ја прелетале централната линија на Тајванскиот теснец и влегле во тајванската воздушна одбранбена зона.Податоците се однесуваат на времето до понеделник во 10 часот по локално време, или до два часа по Гринич.
Министерството за одбрана на Тајван исто така објави дека кинескиот носач на авиони Шандонг учествувал во вежбите во понеделникот наутро.
Кина ги продолжи вежбите во понеделникот, објавија кинеските државни медиуми.
Тридневните вежби, во кои кинеските борбени авиони и воени бродови симулираат напади врз Тајван, траат до понеделник и наидоа на осуда од Тајпеј и повици за воздржаност од Вашингтон.
Портпаролот на јапонската влада изјави дека Јапонија со интерес ги следи кинеските вежби околу Тајван.
