Во организација на Здружението „Ромска ѕвезда“, денеска на плоштадот Магнолија, во Битола се одржа културно – забавна програма со голем број учесници во раки на одбележувањето на Меѓународниот ден на Ромите.
Настанот го отвори, градоначалникот Тони Коњановски.
– Битола е мултикултурна, мултиконфесионална. Овде пријателите и луѓето не ги делиме ниту по боја, ниту по политичка припадност. Имаме свои пријателства уште од рано детство, но и нови кои секојдневно ги стекнуваме. Како општина, правиме се да ги подобриме условите и за овие наши сограѓани, како во делот на инфраструктурата, така и во делот на образованието, да спречиме сегрегација и меѓусебни поделби, односно, она што мојата генерација го имаше некогаш, да се биде со своите другари во исто одделение, тоа треба и понатаму да го промовираме, зошто само заеднички можеме градот да си го промовираме во најдобро светло – рече Коњановски.
Во рамки на одбележувањето на Меѓународниот ден на Ромите, Здружението за развој на ромската заедница „Сумнал“ одржа настан насловен „Биди и ти како …“ на кој присуствуваа млади Роми, но и од други националности, кои дадоа пример за меѓусебното дружење, а беше организиран и фудбалски турнир на машки и женски екипи.
