Прв директен чартер лет се организира во претстојната летна сезона од Скопје до Ларнака, Кипар. Превозот ќе го врши Balkan Holiday Air, водечка авиокомпанија во регионот, почнувајќи од 20 јуни па сѐ до 22 август 2023 година.
Летот ќе биде дневен со максимална удобност и уживање за патниците. Како и секоја чартер програма, по слетувањето патниците имаат трансфер до хотелот кој го одбрале за нивниот престој.
– Возбудени сме што можеме да го пречекаме новиот чартер лет од Скопје до Ларнака. Кипар отсекогаш бил топ туристичка дестинација, а овој нов лет несомнено ќе донесе повеќе посетители на нашиот прекрасен остров. Уверени сме дека оваа нова соработка ќе има значително влијание за нашата туристичка индустрија – вели Џорџ Минас, директор за развој на пазарот од Одделот за меѓународни односи при Министерството за туризам на Кипар.
Тој верува дека овој нов лет ќе ја промени играта за кипарскиот туризам.
Елизабета Кочева Јосифовска, претставничка на туристичките агенции ЈК Травел, Аталантис груп, ЕТЦ травел, Магелан, Ваикики травел, вели дека ова е нов развој во туристичката понуда.
– За прв пат вклучивме седум ноќевања и осумдневен пакет летен одмор во висина од 588 евра по лице до Кипар со наша сопствена чартер програма. Нашиот лет ќе поаѓа еднаш неделно, почнувајќи од 20 јуни 2023 година. Уверени сме дека овој нов чартер лет на патниците ќе им понуди неверојатна можност да ја истражат убавината на Кипар – рече Кочева Јосифовска.
Џорџ Минас и Елизабета Кочева Јосифовска
