Синоќа се одгира натпреварот помеѓу бразилскиот фудбалски клуб Сао Паоло и аргентинскиот фудбалски клуб Тигре, а Бразилците славеа со 0:2 и ја оправдаа улогата на фаворити.
Но, уште пред да започне натпреварот, овој меч го одбележа еден неверојатен потег на локалните домашни аргентински навивачи кои по грешка го каменуваа автобусот со играчите на Тигре наместо автобусот со играчите на Сао Паоло.
На улица во близина на стадионот решиле да направат „заседа“ и да го каменуваат автобусот на играчите на Сао Паоло, а кога се појавил автобусот тргнале во акција, но немале поим дека е погрешна мета.
Навивачите на Тигре фрлале камења кон автобусот и му ги искршиле стаклата, па дури тогаш сфатиле дека во него се играчите на нивниот клуб. За среќа никој не е повреден, но играчите биле во шок бидејќи не можеле да поверуваат што се случило.
